كان البحبحانى يصول و يجول … حتى وجد نفسه هناك … فى وزارة الدفاع
فى احد المكاتب التى تقع بالقرب من مركز الارض
وجد البحبانى نفسه امام شخص يحفظ صورته عن ظهر قلب …ولكنه نسى اسمه من هول المفاجاه
الشخص :مالك يا بحبح مش عارفنى …انا بابا يلا ….
البحبحانى : عشان كده يا فندم بيقولى انى دايما ابن كلب
الشخص : بتقول ايه يا …. امك
البحبحانى : انى ابن كل يا فندم ف الكلب الاكثر وفاء من كل الكائنات فهو الوفى لصاحبه ..انت الكلب و الكلب انت
الشخص يشعر انها اهانه و لكن قدراته العقلية و تخيلاته الحلزونية انه يستحيل انه يشتمه و هو تحت ايده
الشخص : المهم …جاى ليه عشان تفهم
البحبحانى : اه
الشخص : و هو انت بتقهموا …و تفهموا ليه ….
البحبحانى : عشان نساعد او نستوعب
الشخص : مش مهم ثم يظهر على شاشة التلفيزيون احد القيادات
التلفيزيون : ازيك يا فندم اخبار معاليك ايه …ابقاك الله لنا …ف الله ف السماء و انت على الارض
الشخص : ينجعص و يجلس
التلفيزيون : احنا باذن الله و فضلة و سماحة معاليك استطعنا الاكتساح و لسة
الشخص : مش اكتساح اوى يا ولاد ……. انتوا هتاخدوا بتاع 60 فى الميه
التلفيزيون : سماحتك احنا لازم كنا نسيب للكفرة دول كراسى …. بس متقلقش هيطلعوا من لجنة القيم
الشخص : خلص متصدعش …امى عاوز ايه
التلفيزيون : احنا بس محتاجين شوية بقر و جاموس …
الشخص :انتوا اخدتوا اللى انت عاوزينه من المزرعة
التلفيزيون : اصلنا و احنا قاعديين مع كيرى قال ان فى ناس كده عاوزه تقلل المعونه بتاعت معاليك انت و البشوات و احنا عملنا الواجب بس هواء نازل معانا لفه و كنا عاوزين ناكل الناس كده
الشخص : طيب روح خد شوية بقر …بس دول جايين من بره مش مدبوحين ع الشريعه
التلفيزيون : يا جنابوا مدام من عندكم ..تبقى مدبوحه ع الشريعة …. السلما عليكم
الشخص : و عليك و على اهلك …و يستدير للبحبحانى ..ها يا بح بح
بحبحانى: خلاص انا فهمت يا فندم …فهمت مين الطرف التالت
الشخص : طرف تالت …انت صدقت
بحبحانى : مدام انت و هما عامليين اتفاق ..فانت طرف اول …. و هما طرف تانى …صح
الشخص و هو يعد على اصابعه …اه
بحبحانى : يبقى اى حد غيركم او غيرهم طرف تالت …طرف بره الاتفاق ما بينكم مش ماشى طبقا للاتفاق ما بينكم
اعتقد انكم فهمتوا انهم هما الشع و القاده و النخبة
اكتشفتوا ان ده مش حقيقى بس كبرتوا دماغكم
المهم ان اى حد براكم و راهم طرف تالت … بس ملحوظة …الشعب المصرى بره الاتفاق …الشعب المصرى ..الطرف التالت
